पॅरासिटामॉल औषधावर बंधने
पॅरासिटामॉल आरोग्याला अपायकारक
ताप, अंगदुखी सारख्या आजारांवर सर्वात आधी भारतात पॅरासिटामॉल (ब्रँडनेमः क्रोसिन, पॅरासिप, कॅलपोल आदी.) औषध देण्याचा ट्रेंड आहे. बहुतांश भारतीय वर्षभरात किमान एकदा तरी पॅरासिटामॉल औषधाचे सेवन करतात. मात्र हेच पॅरासिटामॉल आरोग्याला अपायकारक असल्याची जाणीव झाल्यामुळे देशाच्या औषध नियंत्रक विभागाने (डीसीजीआय) तसेच अन्न व औषध प्रशासनाने (एफडीए) पॅरासिटामॉल औषधावर कडक बंधने घातली आहेत.
देशात विकल्या आणि सेवन केल्या जाणा-या पॅरासिटामॉल औषधाची कोणतीही टॅबलेट ३२५ एमजी पेक्षा जास्त क्षमतेची असू नये. तसेच पॅरासिटामॉल आणि अन्य औषधांचे मिश्रण करुन तयार केलेल्या टॅबलेटमध्येही पॅरासिटामॉलचे प्रमाण ३२५ एमजी पेक्षा जास्त ठेवू नये, असा नियम डीसीजीआय आणि एफडीएने केला आहे. या नियमाचे पालन केले नाही तर संबंधित औषध निर्माता कंपनीवर कारवाई केली जाणार आहे.
सध्या देशात विकल्या जाणा-या पॅरासिटामॉलच्या टॅबलेट ५०० ते ६५० एमजीच्या आहेत. पॅरासिटामॉल आणि अन्य औषधांचे मिश्रण करुन तयार केलेल्या टॅबलेटमध्येही पॅरासिटामॉलचे प्रमाण ५०० ते ६५० एमजी एवढे आहे. या अतिरिक्त पॅरासिटामॉलचे सेवन केल्यास शरीर सुजण्याचा तसेच हळू-हळू यकृत (लिव्हर) अकार्यक्षम होण्याचा किंवा यकृताचा कॅन्सर होण्याचा धोका आहे, असे तज्ज्ञांनी सांगितले.
अमेरिका तसेच युरोपीय देशांमध्ये पॅरासिटामॉलवर भारतापेक्षा जास्त कडक बंधने आहेत. अनेक औषध कंपन्या या बंधनातून मार्ग काढण्यासाठीच कमी खर्चात जास्त पॅरासिटामॉल वापरुन तयार केलेली औषधे भारतात चढ्या दराने विकत आहेत. याचे भारतीयांच्या आरोग्यावर होणारे दुष्परिणाम वेगाने वाढू लागल्यावर डीसीजीआय आणि एफडीए यांना जाग आल्याची टीका देखिल तज्ज्ञांनी केली. http://vrittabharati.in/
पॅरासिटामॉल आरोग्याला अपायकारक
ताप, अंगदुखी सारख्या आजारांवर सर्वात आधी भारतात पॅरासिटामॉल (ब्रँडनेमः क्रोसिन, पॅरासिप, कॅलपोल आदी.) औषध देण्याचा ट्रेंड आहे. बहुतांश भारतीय वर्षभरात किमान एकदा तरी पॅरासिटामॉल औषधाचे सेवन करतात. मात्र हेच पॅरासिटामॉल आरोग्याला अपायकारक असल्याची जाणीव झाल्यामुळे देशाच्या औषध नियंत्रक विभागाने (डीसीजीआय) तसेच अन्न व औषध प्रशासनाने (एफडीए) पॅरासिटामॉल औषधावर कडक बंधने घातली आहेत.
देशात विकल्या आणि सेवन केल्या जाणा-या पॅरासिटामॉल औषधाची कोणतीही टॅबलेट ३२५ एमजी पेक्षा जास्त क्षमतेची असू नये. तसेच पॅरासिटामॉल आणि अन्य औषधांचे मिश्रण करुन तयार केलेल्या टॅबलेटमध्येही पॅरासिटामॉलचे प्रमाण ३२५ एमजी पेक्षा जास्त ठेवू नये, असा नियम डीसीजीआय आणि एफडीएने केला आहे. या नियमाचे पालन केले नाही तर संबंधित औषध निर्माता कंपनीवर कारवाई केली जाणार आहे.
सध्या देशात विकल्या जाणा-या पॅरासिटामॉलच्या टॅबलेट ५०० ते ६५० एमजीच्या आहेत. पॅरासिटामॉल आणि अन्य औषधांचे मिश्रण करुन तयार केलेल्या टॅबलेटमध्येही पॅरासिटामॉलचे प्रमाण ५०० ते ६५० एमजी एवढे आहे. या अतिरिक्त पॅरासिटामॉलचे सेवन केल्यास शरीर सुजण्याचा तसेच हळू-हळू यकृत (लिव्हर) अकार्यक्षम होण्याचा किंवा यकृताचा कॅन्सर होण्याचा धोका आहे, असे तज्ज्ञांनी सांगितले.
अमेरिका तसेच युरोपीय देशांमध्ये पॅरासिटामॉलवर भारतापेक्षा जास्त कडक बंधने आहेत. अनेक औषध कंपन्या या बंधनातून मार्ग काढण्यासाठीच कमी खर्चात जास्त पॅरासिटामॉल वापरुन तयार केलेली औषधे भारतात चढ्या दराने विकत आहेत. याचे भारतीयांच्या आरोग्यावर होणारे दुष्परिणाम वेगाने वाढू लागल्यावर डीसीजीआय आणि एफडीए यांना जाग आल्याची टीका देखिल तज्ज्ञांनी केली. http://vrittabharati.in/
