'आयआयटी'त जादूचे बुडबुडे

विज्ञान आणि टेक्नॉलॉजीवर आधारित मनोरंजक कार्यक्रमांची रेलचेल असलेला 'टेक्नोहोलिक्स' दरवषीर् नाविन्याची ओळख करून देत असतो. पेप बोऊ गेल्या वीस वर्षांपासून आपल्या खेळांनी अनेकांची मनं जिंकतायंत. फेसातल्या लहान बुडबुड्यापासून एखादा माणूस आरामात बसेल इतक्या मोठ्या आकाराचे वेगवेगळे बुडबुडे तयार करून त्याचे खेळ करतात.
याशिवाय लाइट शोची धमालही इथे पाहायला मिळणार आहे. 'लाइटफॅक्टर' हा ग्रूप ही धमाल उडवणार असून, यामध्ये आपल्याला लाइट्सच्या वैज्ञानिक आणि टेक्नॉलॉजिकल बाबी एन्जॉय करता येतील. शिवाय त्याचा अभ्यासही करता येईल. या 'टेक्नोहोलिक्स'मध्ये यंदा आपल्या सावलीशी मार्शल आर्टस खेळणारा जापनीज खेळाडू कागेमू येणार आहे. मार्शल आर्टसचा हा अनोखाप्रकार प्रथमच भारतीयांना लाइव्ह पाहण्याची संधी मिळेल. याशिवाय कोपनहेगन ड्रमर्स, एरोबिक्स डान्सर अॅक्रो एंजल्स असे लोकही यात सहभागी होणार आहेत.

टेकफेस्ट लाइव्ह
आशियातला लोकप्रिय फेस्टिव्हल 'टेकफेस्ट' यंदा घरबसल्या एन्जॉय करता येईल. या फेस्टिव्हलचं पहिल्यांदाच लाइव्ह कव्हरेज होणार आहे. येत्या ६ ते ८ जानेवारी दरम्यान होणाऱ्या 'टेकफेस्ट'ची मजा सर्वांना घेता यावी म्हणून याचं लाइव्ह कव्हरेज होईल, असं 'टेकफेस्ट'च्या रवी विश्वकर्माने सांगितलं. दिवसाला आठ तास असं या फेस्टिव्हलचं स्क्रीनिंग होईल. यात सहा तास स्पर्धा तर दोन तास टेक्नॉलॉजी कार्यक्रमांचे कव्हरेज पाहायला मिळेल. हे लाइव्ह कव्हरेज पाहण्यासाठीची लिंक टेकफेस्टच्या http://www.techfest.org या साइटवर लवकरच उपलब्ध होणार आहे.