न्यूयॉर्क - सेरेना विल्यम्स आणि नोव्हाक जोकोविच यांनी अमेरिकन खुल्या टेनिस स्पर्धेत तिसरी फेरी गाठताना धुव्वाधार विजय मिळविले. जोकोविचने अर्जेंटिनाच्या कार्लोस बर्लोक्‍यूविरुद्ध दोनच; तर सेरेनाने हॉलंडच्या मिशेला क्रॅंज्जेकविरुद्ध एकच गेम गमावला. सेरेनाने पहिल्या फेरीत दोनच गेम गमावले होते. सेरेनासमोर व्हिक्‍टोरिया अझारेन्काचे आव्हान असेल. "नंबर वन' कॅरोलिन वॉझ्नीयाकीनेही अरांता रुसविरुद्ध दोनच गेम गमावले.
जोकोविचने यंदाच्या मोसमात दोनच सामने गमावले आहेत. या स्पर्धेपूर्वी त्याच्या खांद्याला दुखापत झाली होती; पण आता त्याने विलक्षण तंदुरुस्ती पुन्हा कमावल्याचे दिसून आले. 74व्या स्थानावर असलेल्या बर्लोक्‍यूला पहिला गेम जिंकून खाते उघडण्यासाठी एक तास सहा मिनिटे इतकी दीर्घ वाट पाहावी लागली. बर्लोक्‍यू 28 वर्षांचा असून, त्याने 50व्या क्रमांकापर्यंत मजल मारली होती. त्याचा खेळ अगदीच खराब झाला नाही; पण जोकोविचचा धडाकाच थक्क करणारा होता. त्याने बेसलाइनवरून वेग आणि अचूकता राखली. त्याची सर्व्हिस छान झाली; तसेच परतीचे फटकेही चांगले बसले. बर्लोक्‍यूने तिसऱ्या सेटमध्ये एक ब्रेक नोंदवून थोडाफार दिलासा दिला.
"व्यावसायिक टेनिसपटू...'
जोकोविच म्हणाला, ""आम्ही व्यावसायिक टेनिसपटू आहोत. आमच्यासमोर आव्हान असते आणि ते अर्थातच जिंकण्याचे असते. मी बर्लोक्‍यूला ओळखतो. तो चांगला तरुण आहे. तिसऱ्या सेटच्या मध्यास मला त्याच्याविषयी सहानुभूती वाटली. तो कसून प्रयत्न करीत होता. लढाऊ खेळाबद्दल मला त्याचे कौतुक करावे लागेल.'' रॉजर फेडररने 93व्या स्थानावरील इस्राईलच्या ड्यूडी सेला याच्यावर 77 मिनिटांत मात केली. यानंतर त्याची क्रोएशियाच्या मरिन चिलीचशी लढत आहे.
81 "वीनर्स', चुकाही तेवढ्याच
सातव्या मानांकित फ्रान्सच्या गेल मॉंफीसचे आव्हान मात्र संपुष्टात आले. स्पेनच्या जुआन कार्लोस फेरेरोकडून तो पाच सेटमध्ये पराभूत झाला. पाच तास चाललेल्या लढतीत मॉंफीसने 21 बिनतोड सर्व्हिस केल्या. त्याने 81 "वीनर्स' मारले; पण टाळता येण्यासारख्या चुकासुद्धा (अनफोर्स्ड एरर्स) तेवढ्याच केल्या. फेरेरोने "लव्ह'ने सर्व्हिस राखत विजय साकार केला. त्यानंतर प्रेक्षकांनी उभे राहून टाळ्या वाजवीत दोन्ही खेळाडूंचे कौतुक केले.
निकाल ः महिला एकेरी ः सेरेना विल्यम्स वि.वि. मिशेला क्रॅज्जेक 6-0, 6-1. कॅरोलिन वॉझ्नीयाकी वि.वि. अरांता रूस 6-2, 6-0. व्हिक्‍टोरिया अझारेन्का वि.वि. जिसेला डुल्को 6-4, 6-3. एलेना यांकोविच वि.वि. एलेना डॉकीच 6-3, 6-4. फ्रान्सिस्का शियावोनी वि.वि. मिरीयाना ल्युचीच 6-1, 6-1. अँड्रीया पेट्‌कोविच वि.वि. जीए झेंग 3-6, 6-3, 6-3.
पुरुष एकेरी ः नोव्हाक जोकोविच वि.वि. कार्लोस बर्लोक्‍यू 6-0, 6-0, 6-2. रॉजर फेडरर वि.वि. ड्यूडी सेला 6-3, 6-2, 6-2. मरिन चिलीच वि.वि. बर्नार्ड टॉमीच 6-1, 6-0, 6-2. जुआन कार्लोस फेरेरो वि.वि. गेल मॉंफीस 7-6 (7-5), 5-7, 6-7 (5-7), 6-4, 6-4. मार्डी फिश वि.वि. मॅलेक जझिरी 6-2, 6-2, 6-4. टोमास बर्डीच वि.वि. फॅबिओ फॉग्नीनी 7-5, 6-0, 6-0. ज्यो-विल्फ्रीड त्सोंगा वि.वि. सर्जी बुब्का ज्युनिअर 6-3, 7-5, 6-2.
6-0, 6-0, 6-0 विजय
ग्रॅंड स्लॅम स्पर्धेत पुरुष एकेरीत एकही गेम न गमावता विजय मिळविण्याचा पराक्रम यापूर्वी स्पेनच्या सर्जी ब्रुगेराने केला होता. फ्रान्सच्या थिएरी चॅंपीयनवर त्याने 6-0, 6-0, 6-0 अशी मात केली होती. जोकोविचचा हा विक्रम थोडक्‍यात हुकला.

मुंबई, २९ सप्टेंबर

भारतीय क्रिकेटने नेहमी अव्वल स्थानावर राहायला हवे. आक्रमकपणा क्रिकेटमध्ये दिसायला हवा. आपला देश महात्मा गांधीजींचा आहे. परंतु क्रिकेटच्या मैदानावर खेळताना आपण हिटलरचे अनुकरण करायला हवे, असे बोल भारताचा माजी संघनायक कपिल देवने सुनावले. क्रिकेट क्लब ऑफ इंडियाने आयोजित केलेल्या दिलीप सरदेसाई स्मृती वार्षिक व्याख्यानाप्रसंगी ‘भारतीय क्रिकेटचे भविष्य’ या विषयावर कपिलने जोरदार फलंदाजी करीत आपल्या खडय़ा बोलांनी चौकार-षटकारांची आतषबाजी केली आणि उपस्थितांची मनसोक्त दाद मिळवली.

कपिल पुढे म्हणाले की, विश्वचषक जिंकल्यानंतर जग संपत नाही, तिथेच प्रवासाला सुरुवात होते. भारताने विश्वचषक जिंकण्याचा पराक्रम दाखवला. परंतु त्यानंतर किमान हा ऐतिहासिक आनंद साजरा करायलाही अवधी मिळाला नाही आणि पुन्हा चार दिवसांनी आयपीएल क्रिकेट सुरू झाले. तीन वर्षांच्या मेहनतीनंतर हे फळ मिळाले होते. विश्वचषकानंतर किमान महिनाभर तरी देशात क्रिकेट खेळण्याची आवश्यकता नव्हती.

भारताचे क्रिकेटपटू आणि बोर्ड जगात सर्वात श्रीमंत आहे. अन्य देशांतील क्रिकेटपटूंना इतका पैसा मिळत नाही. भारतीय क्रिकेटची अर्थव्यवस्था पाहिली की गर्व वाटतो. अन्य खेळांनीही भारतीय क्रिकेट नियामक मंडळाचा आदर्श घ्यावा, असे त्यांनी यावेळी सांगितले. शालेय क्रिकेट चांगले घडत राहिले, तर भारतीय क्रिकेटचे भविष्य उज्ज्वल आहे, असे त्यांनी सांगितले.

बीसीसीआयचा मी आदर करतो. क्रिकेटपटूंसाठी त्यांनी अनेक गोष्टी केल्या आहेत. माझा काही काळ बोर्डाशी बेबनाव झाला होता. परंतु आपले पालकांशीसुद्धा पटेनासे होतेच की.. असे कपिल देव यांनी यावेळी सांगितले.

गेल्या १५ वर्षांत भारतीय क्रिकेटने जवागल श्रीनाथ, व्यंकटेश प्रसाद, झहीर खानसारखे अनेक चांगले वेगवान गोलंदाज घडवले आहेत. हे आणखी कसे घडवता येतील याचा बीसीसीआयने गांभीर्याने विचार करायला हवा. आताचे वेगवान गोलंदाज जिममध्ये धावतात, त्यांनी मैदानावर धावणे आवश्यक आहे, अशी कानउघाडणी कपिल यांनी केली.

वेगवान गोलंदाजांना सहा तास मेहनत घ्यावी लागते, ते कामगारासारखे राबतात. परंतु फलंदाजांना दोन तास कष्ट करावे लागतात, ते एखाद्या अधिकाऱ्याप्रमाणे वागतात. आपल्या देशात अधिकारी होण्यातच लोकांना जास्त रस आहे, हेच आपले दुर्दैव आहे, असे ते पुढे म्हणाले.

लॉर्ड्स कसोटी सामन्यात भारतीय गोलंदाज दमले म्हणून चक्क कप्तान महेंद्रसिंग धोनीला यष्टिरक्षकाचे ग्लोव्हज काढून गोलंदाजी करायला लागली. हे योग्य धोरण नाही. मी असतो तर इशांत शर्मा आणि प्रवीण कुमारला तुम्ही दमलात का, असे अजिबात विचारले नसते. त्यांना २५ षटके सहज गोलंदाजी करायला लावली असती, असे कपिल यांनी सांगितले.

निवड समिती सध्या विभागीय पद्धतीने कार्यरत आहे. तीन-चार प्रमुख खेळाडूंचा समावेश आणि त्यांच्यासमवेत १० अन्य सदस्य अशी निवड समितीची रचना हवी. या सदस्यांनी स्थानिक क्रिकेट बारकाईने जाऊन पाहणे आवश्यक आहे, असे त्यांनी यावेळी सांगितले.

देश आणि आयपीएल क्लब या वादाबाबत कपिल देव यांनी भूमिका मांडताना सांगितले की, या दोन्ही गोष्टी एकाच संघटनेच्या अखत्यारित येतात. मग दोन्हीमधून मिळणाऱ्या पैशांमध्ये फरक का? एखादी संघटना क्लबसाठी खेळताना देशासाठी खेळण्यापेक्षा अधिक पैसे कसे काय देऊ शकते. मला तरी हे मान्य नाही.   

कोलकाता - शोएब अख्तरची बॉलिंग खेळताना सचिनचे पाय लटपटताना आपण पाहिलेत, असा दावा करणा-या शाहिद आफ्रिदीला ‘दादा’ सौरव गांगुलीनं एकाच वाक्यात उडवून लावलंय. आफ्रिदीचं डोकं फिरलंय, असा ‘स्ट्रेट ड्राइव्ह’ हाणून दादानं हा विषयच मिटवून टाकलाय.

‘रावळपिंडी एक्स्प्रेस’ म्हणून ओळखल्या जाणा-या शोएब अख्तरचं 'काँट्रव्हर्शली युवर्स ' हे आत्मचरित्र भारीच वादग्रस्त ठरलंय. मास्टर ब्लास्टर सचिन तेंडुलकर माझी बॉलिंग खेळताना घाबरायचा, अशी गरळ शोएबनं आपल्या पुस्तकात ओकली होती. पण हे विधान त्याच्याच अंगाशी आलं होतं. सगळ्यांच रथी-महारथी क्रिकटपटूंनी त्याला अक्षरशः फोडून काढलं होतं. असं असताना, काल पाकचा माजी कर्णधार शाहिद आफ्रिदी त्याच्या पाठीशी उभा राहिला आणि शोएब बोलतोय त्यात तथ्य असल्याची प्रतिक्रिया त्यानं दिली.

शोएबचा सामना करताना सचिनचे पाय अक्षरशः कापत असल्याचं मी फिल्डिंग करताना पाहिलंय, असा शाहिद आफ्रिदीनं केला होता. त्याबद्दल गांगुलीला विचारलं असता, आफ्रिदीचं डोकं फिरलंय अशी प्रतिक्रिया त्यानं दिली.

दरम्यान, भारताचा ऑफ स्पिनर हरभजनसिंगला इंग्लंडविरुद्धच्या पहिल्या दोन वनडे सामन्यांतून वगळण्याचं ‘दादा’ ला फारसं आश्चर्य वाटत नाहीए. भज्जीच्या खराब फॉर्ममुळेच त्याला संघात स्थान मिळालं नसावं, असं त्यानं नमूद केलं. परंतु, भारत-ऑस्ट्रेलिया मालिकेत हरभजशिवाय खेळणं शक्यच नसल्याचं सांगत त्यानं भज्जीच्या क्षमतेबद्दल विश्वास व्यक्त केला.

कराची.- लग्नापासून तब्बल 8 महिन्यांनंतर सासरी पाकिस्तानात आलेली स्टार टेनिसपटू सानिया मिर्झा पती शोएब मलिकसोबत चांगलीच रमली आहे. मागीलपाच दिवसापासून कराचीत असलेल्या सानियाने पूरग्रस्त भागाची देखील पाहणी केली. दरम्यान, राष्ट्रपती आसिफ अली झरदारी यांची देखील या दाम्पत्याने भेट घेतली आहे. 

पूरग्रस्तांसाठीच्या आर्थिक मदतीची हमी देत सानियाने पाकिस्तानात टेनिस सामना खेळण्याची इच्छाही या वेळी व्यक्त केली. त्यामुळे तीन महिन्यापूर्वी आर्थिक मदतीसाठी नकार देणा-या सानियाच्या होकारामुळे पीटीएफचा राग पूर्णत: मावळल्याची चर्चा आहे. 

पाकिस्तानात पहिल्यांदाच लग्नानंतर आलेल्या सानियाने कराचीसह आसपासच्या प्रमुख शहराचाही दौरा केला. मागच्या वर्षी आलेल्या महापुरामुळे विस्कळीत झालेल्या जनजीवनाचेही चित्र तिने पाहिले आहे.

त्यामुळे या पूरग्रस्तांच्या आर्थिक मदतीसाठी टेनिस मॅच खेळण्याचा शब्दही तिने या वेळी दिला. सानिया-शोएब या जोडीने झरदारींची भेट घेऊन पूरग्रस्ताच्या पुनर्वसनासाठी मॅचच्या माध्यमातून आर्थिक मदत करण्याचे आश्वासन दिले. त्यामुळे लवकरच सानियाच्या मॅचचे पाकिस्तानात आयोजन करण्यात येण्याची शक्यता आहे

टोकियो - रशियाच्या मारिया शारापोवा हिने थायलंडच्या तामारिन तानासुगरन हिचा सरळ सेटमध्ये 6-2, 7-5 असा पराभव करून येथे सुरू असलेल्या पॅन पॅसिफिक खुल्या टेनिस स्पर्धेच्या तिसऱ्या फेरीत प्रवेश केला.

स्पर्धेसाठी दुसरे मानांकन मिळालेल्या शारापोवाने जोरकस फोरहॅंड फटक्‍याच्या जोरावर पहिला सेट अवघ्या तीस मिनिटांत जिंकला. नंतर दुसऱ्या सेटमध्येही तिने 3-0 अशी आघाडी घेतली होती. मात्र, त्या वेळी पावसामुळे सामन्यात व्यत्यय आला. पाऊस थांबल्यानंतर पुन्हा खेळ सुरू झाल्यावर तानासुगरन हिने चौथ्या गेमला शारापोवाची सर्व्हिस भेदून पहिली गेम जिंकली. त्यानंतर सलग पाच गेम जिंकताना तिने 5-5 अशी बरोबरी राखली. सहाव्या गेमला तानासुगरन हिची सर्व्हिस भेदून तिने पुन्हा आघाडी घेतली आणि नंतर अचूक सर्व्हिसच्या जोरावर तिने बाराव्या गेमला विजय मिळविला. ही लढत 1 तास 31 मिनिटे चालली.

दुसऱ्या फेरीच्या अन्य लढतीत फ्रान्सच्या सातव्या मानांकित मारियन बार्तोली हिने जपानच्या आयुमी मोरिटा हिचा कडवा प्रतिकार 6-3, 0-6, 6-3 असा मोडून काढला. बेसलाईनवरून खेळ करताना बार्तोलीला गुणासाठी झगडावे लागले. दुसऱ्या सेटमध्ये, तर तिला एकही गेम जिंकता आला नाही. बार्तोलीने अखेरीस 2 तास 18 मिनिटांच्या लढतीनंतर विजय मिळविला. दुसऱ्या सेटमध्ये निर्विवाद वर्चस्व राखल्यानंतरही मोरिटा हिने तिसऱ्या निर्णायक सेटमध्ये टाळता येणाऱ्या अनेक चुका करून पराभव ओढवून घेतला.

पात्रता फेरीतून आलेल्या लुक्‍झेम्बर्गच्या मॅंडी मिनेला हिने जपानच्या किमिको डाटे-क्रुम हिचे आव्हान 1-6, 6-3, 6-3 असे संपुष्टात आणले. सर्बियाच्या ऍना इवानोविच हिने पात्रता फेरीतून आलेल्या ऑस्ट्रेलियाच्या ऍनास्तासिया रॉडिनोव्हा हिचा 6-4, 6-0 असा पराभव केला.

चेल्सी संघाने इंग्लिश प्रीमिअर लीग फुटबॉल स्पर्धेत नॉर्विच सिटीवर ३ - १ ने विजय मिळविला . या विजयाने चेल्सीचे तीन सामन्यांत सात गुण झाले आहेत . परंतु , ड्रोग्बाला दुखापत झाल्याने हंगामातील पुढील सामन्यांमध्ये त्यांना मोठा फटका बसण्याची शक्यता आहे .

नॉर्विचविरुद्ध चेल्सी संघाने आक्रमक सुरुवात केली . सहाव्या मिनिटालाच जोस बोसिंग्वाने अप्रतिम गोल करून चेल्सीचे खाते उघडले . २० यार्डावरून त्याने केलेल्या गोल नॉर्विचचा गोलरक्षकही रोखू शकला नाही . यानंतर चेल्सीच्या खेळाडूंचे आक्रमण नॉर्विच संघाने मध्यांतरापर्यंत थोपवून धरले . पूर्वाधानंतर ग्रँट होल्ट याने ६३ व्या मिनिटाला गोल करून बरोबरी साधली . हा गोल म्हणजे चेल्सीने नॉर्विचला दिलेले गिफ्ट होते . ८० व्या मिनिटाला नॉर्विचचा गोलरक्षक जॉन रूडीला रेड कार्ड मिळाले . त्यामुळे त्यांच्या संघाला दहा खेळाडूंसह खेळावे लागले . याचा फायदा घेत ८२ व्या मिनिटाला फ्रँक लेम्पार्डने पेनल्टी कॉर्नरवर गोल करून चेल्सीला आघाडी मिळवून दिली . ज्युआन मेटा याने अतिरिक्त वेळेत गोल केल्याने चेल्सीने सामना ३ - १ ने खिशात घातला . मेटाने पदार्पणाच्या सामन्यातच गोल करण्याची किमया केली .

ड्रोग्बा जखमी

चेल्सीला विजय मिळाला ; पण त्यांना ड्रोग्बाला गमवावे लागले . पूर्वाधानंतर गोल करण्याच्या प्रयत्नात असताना त्याची आणि नॉर्विचचा गोलरक्षक रूडीची टक्कर झाली . त्यात ड्रोग्बा जागेवरच कोसळला . त्याच्या नाकातून रक्त येऊ लागल्याने मैदानावरच त्याच्यावर प्राथमिक उपचार करण्यात आले . स्ट्रेचरवरून त्याला मैदानाबाहेर नेण्यात आले .

चेल्सी संघाने इंग्लिश प्रीमिअर लीग फुटबॉल स्पर्धेत नॉर्विच सिटीवर ३ - १ ने विजय मिळविला . या विजयाने चेल्सीचे तीन सामन्यांत सात गुण झाले आहेत . परंतु , ड्रोग्बाला दुखापत झाल्याने हंगामातील पुढील सामन्यांमध्ये त्यांना मोठा फटका बसण्याची शक्यता आहे .

नॉर्विचविरुद्ध चेल्सी संघाने आक्रमक सुरुवात केली . सहाव्या मिनिटालाच जोस बोसिंग्वाने अप्रतिम गोल करून चेल्सीचे खाते उघडले . २० यार्डावरून त्याने केलेल्या गोल नॉर्विचचा गोलरक्षकही रोखू शकला नाही . यानंतर चेल्सीच्या खेळाडूंचे आक्रमण नॉर्विच संघाने मध्यांतरापर्यंत थोपवून धरले . पूर्वाधानंतर ग्रँट होल्ट याने ६३ व्या मिनिटाला गोल करून बरोबरी साधली . हा गोल म्हणजे चेल्सीने नॉर्विचला दिलेले गिफ्ट होते . ८० व्या मिनिटाला नॉर्विचचा गोलरक्षक जॉन रूडीला रेड कार्ड मिळाले . त्यामुळे त्यांच्या संघाला दहा खेळाडूंसह खेळावे लागले . याचा फायदा घेत ८२ व्या मिनिटाला फ्रँक लेम्पार्डने पेनल्टी कॉर्नरवर गोल करून चेल्सीला आघाडी मिळवून दिली . ज्युआन मेटा याने अतिरिक्त वेळेत गोल केल्याने चेल्सीने सामना ३ - १ ने खिशात घातला . मेटाने पदार्पणाच्या सामन्यातच गोल करण्याची किमया केली .

ड्रोग्बा जखमी

चेल्सीला विजय मिळाला ; पण त्यांना ड्रोग्बाला गमवावे लागले . पूर्वाधानंतर गोल करण्याच्या प्रयत्नात असताना त्याची आणि नॉर्विचचा गोलरक्षक रूडीची टक्कर झाली . त्यात ड्रोग्बा जागेवरच कोसळला . त्याच्या नाकातून रक्त येऊ लागल्याने मैदानावरच त्याच्यावर प्राथमिक उपचार करण्यात आले . स्ट्रेचरवरून त्याला मैदानाबाहेर नेण्यात आले .